حبيبي متغطرس
لما الحبيب على الحبيب يتغطرس
وينشف دماغه معاه ويتربس.
تلقى رصيدهم من الحب يفلس
ويشربوا من مر الفراق كام كاس
ويضحك عليهم جميع الناس
وتلاق الحبيب من حبيبه مفروس
ويقول كلام فى حبه يملا كام كراس
ويكدب فى كلامه ويصبح هلاس
وتعرف من حكاويه انه هجاس
وما يعرف ان الحب ادب واحساس
وان غاب الحبيب يكون محتاس
ويقول على اابطاطس قلقاس
وميعرفش من للحب مقياس
وان حبيب القلب من العين محروس
وقلبه عليه دايما محتار ومهوس
الغطرسه بتاكل الحب زى السوس
ويخلى العين ما تشوف النعاس
اصل الحبيب للحبيب اغلى الناس
بقلم محمد الصيرفى
Aucun commentaire:
Enregistrer un commentaire