ياليالي الفرح هِلِّي
واسكني جوا القلوب
وانتِ جايه هاتي خِلِّي
نفسي اشوفه مشتاق بدوب
ندرٍ عليا لو جه حبيبي
لاغزله من خيوط الشمس توب
................................
ياليالي الشوق تعالي
هاتي وياكِ الحبيب
نفسي اشوفه نفسي اقابله
واسأله إزاي يغيب
وهو روحي وهو عمري
هو لي أقرب قريب
................................
ياشموع الحب قيدي
أكيد حبيبي لازم حيجي
واحضنه واخده في إيدي
ماهو حياتي ودنيتي
حبه ساكن جوا قلبي
هواه بيجري جوا دمي
وفي وريدي
ياشموع الحب قيدي
Aucun commentaire:
Enregistrer un commentaire