شطحات
البنت معجبه بيا وبتقولي
تصدق انا بحبك وانت كمان خللي
ايه رايك تيجي نعمل خطوبه وتبقي كمان حللي
ولما تدخل بيتنا هكيد العوازل وانت داخللي
وقول لابويا ان كان ع الشبكه انت هتجبلي
وكمان فستان وطرحه وهتزينه بالخرز والتللي
بس انا عارف انها شيطانه
طول اليوم حاطه الكحله وفي بقها لبانه
متربيه في مدرسه كذب وخداع وسهتانه
وتضحك عليا وتقوللي انا عاوزه زياده حنان
علشان محرومه من الحب بقالي زمان
وبترسم لي طريق مفروش بورد وسجاده
ولقيته مليان اشواك وهي كذابه كالعاده
وبتتمسكن كتير يامه
ماهي واخده الكذب شراب وبرشامه
وتتحجج بميت حجه انا كنت عيانه
وموبايلي كان مقفول وهو كان مشغول
ومره ماسمعتش رناتك
وتلعب كوره بحياتك
قلت لها انتي مش ليه
انتي عايزه حد يحبك بحنيه
وانا قلبي ليكي مليان اسيه
بلاش حب ولا جواز ولا عيشه ابديه
وعجبي
مصباح الجعيدي مصر
Aucun commentaire:
Enregistrer un commentaire