هصرخ وقول اهـ

                              بقلم محمد الصيرفى

                                 هقول اهـ

هقول اه ولكن لى اسباب  * مش معناها ان الدنيا ضباب  *  ولا فيها ياس والا استغراب  * بص فيها وفكر ولا تستعجب

                                 هقول اهـ

اه من ابن ليا غاب   *   ثلاث سنين لما عوده طاب  * 

ما له ذنب ولا هباب  *  كان بسبب ابراهيم النصاب  * 

وحكم قاضى ما يعرف العيب  *  ابنى اتظلم وفرج ربى قريب * 

يعاقب كل راجل معيوب  *  كان للشيطان طوع ومجيب  * 

 ما افتكر يوم الحساب المريب  * اللى ما ينفع فيه هروب

                                   وهقول اهـ

من ايام بت فيها مرعوب  *  من زيارة ضيف  غير مرغوب  *

  يدخل ويكسر عليا البوب  *   واستغيث ما نلاقى مجيب *  

ايه اقترافت انا من الذنوب  *  ومالى اللى ضاع وفرغت الجيوب  *  

واندينت ومن قرب السداد مرعوب  *  دى السداد على مطلوب الوجوب  *  والشغل قدكبر السن وما عنت مطلوب * وانا ببكى على اللبن المسكوب

                                   وهقول اهـ

على بلدى الا اصبحت خراب  *  وكل يوم يقف ويزعق الغراب *  

 ,ويضرب ولادنا باسم الارهاب *  اربطوا الاحزمه كفايه عليكم سيولة اللعاب  *  وعدونا بقى خيرة الاصحاب  *  والوظائف سكوا عليها الباب  * 

  خالوها لابن المطيع المجيب  *  اللى شاركهم فى الملعوب  * يا رب خدهم عن قريب

                                    وهقول اهـ

عن حال خيرة الشباب  *  ومستقبلهم الا اصبح ضباب *  

ولو اعلى التقديرات جاب  *   يقعدو فى بيوتهم وراء الباب  * 

 ويخاف يصلى ويقف فى المحراب  *  ليقولوا عليه بيساند الارهاب  * 

 ويشفله قهوه او قهوتين قراب *  يقعد عليهم وهو شلة الصحاب *  

وينسا كلمة صح وكلمةعيب *  طول ماهو فارغ العقل والجيب

                                    وهقول اهـ

على غلوا الاسعار الغريب  *  يطلع السوق ما يعرف يجيب *  

لحمه ولا خضار ولا زبيب *  مع انه لسه قابض قريب  *  

اكل وشرب ودروس وكشف طبيب *  حاجات مشفهاش حتى ايام الحروب  *  ومن غلو السكر ما بيقدم للضيف مشروب  *  الاسعار بتتحسر عليها القلوب  *  وبتنعى فيها خلو الجيوب  *   وقاعدين نبكى على اللبن المسكوب

                 وهصرخ وهقول اهـ ...اهـ... اهـ