(نبض تكوينك)
وهتكحل بلون شعرك
ويغرق قلبي في مشاعرك
وهنسى الكل حوليه
وخلى روحي تخشعلك
ـــــــــــــــــــــــــــــــــ
قالولى انك هلاك القلب
وانك زهرة الصبار
وياما ضحكتى ماتت
على ليلي اللى بات صاحى
ونفسه بس يوم يحلم بنص نهار
وانا وروحى اللى عشقاكى
ياروح الروح بنسمعلك
ــــــــــــــــــــــــــــــــــــــــ
انا بسمع لصوت قلبي
اللى عاشق نبض تكوينك
وروحى للسما ساجدة
وراسم ع النجوم ليلك
انا بستنشق الفرحة
ف لحظة قلبي يرجعلك
ــــــــــــــــــــــــــــــــــــ
وفارد قلبى سجادة
على معبد كليوباترا
وحبك الغريق فيا
بيعشق قلبى بالفطرة
ولو بجني ف حبك شوك
بايدي الورد ازعلك
ـــــــــــــــــــــــــــــــ
ومهما الحب يهزمنى
انا ع النصر يوم ناوى
ولو سكينه يجرحنى
اكيد هو اللى هيداوى
ولو عذبني يوم جرحك
اكيد حبي هيشفعلك
ــــــــــــــــــــــــــــــــــــــ
عشقتك فى القصيدة بحور
وياما قلبى داب فيها
ومهما الشعر يبنى سطور
عيونك كل قوافيها
ولو قلبى شاعر مغرور
حروف الشعر تركعلك
الشاعر / بلبل طلعت عثمان
Aucun commentaire:
Enregistrer un commentaire