الذكريات
بتصحي فينا
أصعب حاجات
ومهما ننسى ويمر بينا عمرنا
ترجع وتقسى
وبنفتكر كل اللي فات
ومهما كانت قاسيه علينا
بنحن ليها ونحس بيها
الذكريات
الذكريات...
صوره فى خيالنا
ذي ما تكون ماكتوبلنا
فيه حاجات بتصحيهالنا
وعايشه فينا حتى الممات
يا ذكرى ليه بتقلبي. .وبتكتبي
الحرف الغبي
بكل اللغات
الذكريات ...تفتح كتاب
م الصفحه للصفحه عذاب
لو حتى فى نص الكتاب
نقطه فرح ...تفيد بأيه
لو حتى لمبه منوره
فى وسط الضباب
ويعمل ايه برضو الدوا
فى قلب انجرح
ولا انكوى
ومين بيفهم معنى صرخه
فى وسط بحر من السكات
سبتها فينا الذكريات
الشاعر بلبل عثمان
Aucun commentaire:
Enregistrer un commentaire