مادريش الدمع أبكي
دا الدمع بيريح
لما م الهموم بتشكي
القلب بتحسه أستريح
بس ما تخبيش دموعك
خلى همك تحت طوعك
أصل لو الهم ملكك
مستحيل تفرد قلوعك
اشكي بالاحزان وفضفض
طلع الهم اللي فيك
خلي لون القلب ابيض
واوعى تخسر شاريك
وليه هتحزن حب وافرح
عيش حياتك سيب اهاتك
خلي فيه فى القلب مطرح
للفرح وللسعاده
ليه تشرب القهوه ساده
وانت قدامك السكر
عيد أمورك وحسباتك
وتعلم من اللي فاتك
سيب الحزين
وخد السعيد
دونه فى ذكرياتك
حاول تبقى إنسان جديد
يعني غير من حياتك
وازرع الفرحه فى نفسك
تلقى نفسك بالفرح
تطرح
الشاعر بلبل عثمان
Aucun commentaire:
Enregistrer un commentaire